جماعت اسلامی کا کراچی میں دھرنا ختم، کارکنان آج سپر مارچ میں شرکت کے لیے اسلام آباد روانہ ہوں گے

جماعت اسلامی نے کراچی پریس کلب چوک کے قریب جاری دھرنا ختم کردیا، دھرنے کے مقام سے اسٹیج، ساونڈ سسٹم اور کرسیاں بھی ہٹا دی گئیں۔ جبکہ گورنر ہاؤس کے اطراف پیٹرولیم لیوی کے خلاف لگائے گئے بینرز بھی اتار دیے گئے۔ ٹریفک پولیس کے مطابق دھرنا ختم ہونے کے بعد صدر اور اطراف کی سڑکوں پر ٹریفک کی روانی بحال کرنے کے اقدامات شروع کردیے گئے ہیں اور اتوار کی صبح تک ایوانِ صدر روڈ بھی ٹریفک کے لیے کھول دیا جائے گا۔ جماعت اسلامی کے مطابق دھرنے میں شریک تمام کارکنان آج صبح 10 بجے سپر مارچ میں شرکت کے لیے ٹرین کے ذریعے اسلام آباد روانہ ہوں گے۔