چمکتا ’بلیو میلن‘ ہیرا جو 75 کروڑ روپے میں فروخت ہوا

جنیوا، سوئٹزرلینڈ میں ایک نیلامی میں تقریباً 10 قیراط کا نیلا ہیرا 20.5 ملین سوئس فرانک (2.66 کروڑ ڈالر یا 75 کروڑ پاکستانی روپے سے زائد) میں فروخت ہوا۔

یہ ہیرا، جس کا وزن 9.51 قیراط ہے، ’میلن بلو‘ کے نام سے جانا جاتا ہے، جو آرٹ کی مرحوم امریکی سرپرست ریچل ’بنی‘ میلن کے نام پر رکھا گیا ہے۔

یہ ہیرا کئی دہائیوں تک میلن کے ذاتی مجموعے کا حصہ رہا، جب یہ ایک پینڈنٹ کے طور پر سیٹ کیا گیا تھا۔

اس کی کرسٹیز میں نیلامی سے دو سے تین کروڑ ڈالر تک کی قیمت متوقع تھی۔ تاہم یہ 2014 میں، جب میلن فوت ہوئے تھے، 3.26 کروڑ ڈالر میں فروخت ہوا تھا، جو کہ نیلامی میں کسی رنگین ہیرا کے لیے ادا کی گئی سب سے زیادہ قیمتوں میں سے ایک تھی۔

نیلام گھر کرسٹیز نے بتایا کہ ہیرا متوقع قیمت کے اندرہی بیچا گیا۔ آخری قیمت میں ’خریدار کی فیس‘ اور دیگر چارجز شامل ہیں۔

کرسٹیزکے عالمی جیولری کے سربراہ میکس فوسکیٹ نے کہا کہ میلن بلیو اکثر جدید جواہرات کی طرح نہیں ہے، جن میں کٹ شامل کیے گئے اور رنگ بڑھانے کے لیے تبدیل کیا گیا۔

انہوں نے کہا ’جب آپ کے پاس بہترین شکل اور بہترین رنگ ہوتا ہے تو آپ جواہرات کے جوہر کو دیکھ رہے ہوتے ہیں۔‘ انہوں نے اس پتھر کی درجہ بندی کا ذکر کیا جو جیولوجیکل انسٹی ٹیوٹ آف امریکہ سے ’فینسی ویوڈ بلیو‘ اور ’انٹرنلی فلاؤلس‘ ہے۔ ’یہی اس کی خصوصیت ہے۔‘

یہ نیلامی جنیوا میں دو دن کی جیولری کی جاری نیلامیوں کی پہلی سیل تھی۔ بدھ کو حریف نیلامی گھر سوتھی بی کے پاس ’گلوئنگ روز‘ نامی گلابی ہیرا ہے، جس کی قیمت تقریباً دو کروڑ ڈالر تک ہونے کی توقع ہے۔

بنی میلن شائستگی اور نفاست کی علامت تھیں۔ 1961 میں صدر جان ایف کیلی نے میلن سے کہا کہ وہ وائٹ ہاؤس کے گلابی باغ کا ڈیزائن دوبارہ بنائیں، جہاں انہوں نے عوامی تقریبات کے لیے زیادہ کھلی جگہ فراہم کی اور باغ میں امریکی پودوں کی اقسام متعارف کرائیں۔

فرانس میں میلن نے ہوبیرٹ ڈی جیونچی کے مکان کے لیے لینڈ سکیپ ڈیزائن تیار کیا، جو ان کے قریبی دوست تھے، اور انہوں نے شیتو دی ورسائی کے ’پوٹاژر دو رائے‘ کی بحالی میں بھی مدد فراہم کی۔