حیدر آباد سے کراچی آتے ہوئے پولیس افسر کی گاڑی الٹ گئی، گن مین جاں بحق

میمن گوٹھ تھانے کی حدود ڈی بلوچ لنک روڈ کے قریب پولیس افسر کی گاڑی الٹ گئی، جس کے باعث گاڑی میں سوار پولیس افسر ممتاز بروہی زخمی جبکہ گن مین پرویز جاں بحق ہوگیا۔ پولیس کے مطابق حادثہ صبح ساڑھے 5 بجے کے قریب پیش آیا، پولیس افسر حیدر آباد سے کراچی کی جانب آ رہے تھے۔ ابتدائی اطلاع کے مطابق گاڑی سڑک پر رکھی سیمنٹ کے بلاک سے ٹکرانے کے باعث الٹی۔