بلوچستان میں ٹرین سروس ایک بار پھر معطل

بلوچستان سے اندرون صوبہ اور دیگر صوبوں کے لیے ٹرین سروس ایک بار پھر معطل ہوگئی۔ ریلوے حکام کے مطابق سیکیورٹی خدشات کی بنا پر ٹرین سروس ایک روز کے لیے معطل کی گئی ہے۔ کوئٹہ سے پشاور کے لیے جعفر ایکسپریس آج روانہ نہیں ہوئی جبکہ کوئٹہ سے کراچی کے لیے بولان میل بھی روانہ نہیں ہوئی۔ اسی طرح، سرحدی شہر چمن کے لیے چمن پسنجر بھی آج نہیں چلے گی۔ ریلوے حکام کا کہنا ہے کہ بلوچستان سے ٹرین سروس کل سے معمول کے مطابق چلے گی۔