ہیری کین نے یامال اور ایمباپے کو شکست دے کر بیلن ڈی اور جیت لیا

3 weeks ago 16

Want Your Business Featured Here?

Get instant exposure to our readers

Chat on WhatsApp

انگلینڈ کے سٹار فٹ بالر ہیری کین پیر کو 25 سال بعد بیلن ڈی اور کا اعزاز حاصل کرنے والے پہلے انگلش کھلاڑی بن گئے ہیں۔

لندن میں منعقدہ تقریب میں ہیری کین کا مقابلہ لامین یامال اور کیلین ایمباپے سے تھا۔

بائرن میونخ کے 33 سالہ فارورڈ ہیری کین نے گذشتہ سیزن میں کلب اور ملک کی نمائندگی کرتے ہوئے 65 میچوں میں شاندار 73 گول کیے، جس کی بدولت جرمن کلب نے لیگ اور کپ دونوں ٹائٹل اپنے نام کیے۔ وہ انگلینڈ کی جانب سے ورلڈ کپ میں بھی چھ گول کرنے میں کامیاب رہے، جہاں ٹیم نے تیسری پوزیشن حاصل کی۔

ہیری کین نے 2001 میں مائیکل اوون کے بعد یہ اعزاز جیتنے والے پہلے انگلش فٹ بالر ہونے پر خوشی کا اظہار کرتے ہوئے کہا کہ اپنے ملک کی نمائندگی کرنا اور یہ ٹرافی انگلینڈ واپس لانا ان کے لیے انتہائی خاص ہے، خصوصاً لندن میں ایوارڈ جیتنا ایک یادگار لمحہ ہے۔

دوسری جانب سپین کی الیکسیا پوتیاس نے تیسری بار خواتین کا بیلن ڈی اور ایوارڈ جیت لیا۔

انہوں نے بارسلونا کو گذشتہ سیزن میں چیمپیئنز لیگ جتوانے میں اہم کردار ادا کیا تھا۔ پوتیاس اس سے قبل 2021 اور 2022 میں بھی یہ اعزاز حاصل کر چکی ہیں۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

بارسلونا کے نوجوان سٹار لامین یامال مسلسل تیسری بار سال کے بہترین نوجوان کھلاڑی کا ایوارڈ جیتنے میں کامیاب رہے، تاہم وہ مجموعی مقابلے میں تیسرے نمبر پر رہے۔ کیلین ایمباپے نے دوسری پوزیشن حاصل کی۔

سپین کے کوچ لوئس ڈی لا فوینتے کو سال کا بہترین مرد کوچ قرار دیا گیا، جبکہ بارسلونا کے پیری رومیو نے خواتین کے بہترین کوچ کا ایوارڈ جیتا۔

پیرس سینٹ جرمین کو مسلسل دوسری چیمپیئنز لیگ جیتنے کے باوجود اہم انفرادی ایوارڈز نہ مل سکے، تاہم وہ سال کے بہترین مرد کلب کا اعزاز حاصل کرنے میں کامیاب رہا۔

سپین کے اونائی سائمن اور کاتا کول کو بالترتیب بہترین مرد اور خواتین گول کیپر قرار دیا گیا۔

لندن میں منعقدہ تقریب میں ہیری کین کا مقابلہ لامین یامال اور کیلین ایمباپے سے تھا۔
منگل, اکتوبر 27, 2026 - 09:45
Main image: 

<p>انگلش فٹ بالر ہیری کین نے 26 اکتوبر کو لندن میں بیلن ڈی اور کا اعزاز حاصل کیا (اے ایف پی)</p>

jw id: 
79qye4C0
type: 
SEO Title: 
ہیری کین نے یامال اور ایمباپے کو شکست دے کر بیلن ڈی اور جیت لیا
Read Entire Article
Chatroom