کوئٹہ: چمن پھاٹک کے قریب ٹرین پر بم حملہ، متعدد افراد زخمی

کوئٹہ میں حکام کے مطابق اتوار کی چمن پھاٹک کے قریب ٹرین پر بم حملہ ہوا ہے جس میں اب تک سات افراد کے زخمی ہونے کی اطلاعات ہیں۔

پولیس کے مطابق دھماکے کے بعد ٹرین پٹڑی سے اتر گئی۔

واقعے کے فوراً بعد پولیس حکام کے مطابق ایمبولنسز اور سکیورٹی فورسز کی بھاری تعداد جائے وقوعہ کی طرف روانہ کر دی گئی ہیں۔

سول ہسپتال کے ترجمان وسیم بیگ کے مطابق کوئٹہ دھماکے میں سات زخمیوں کو ہسپتال لایا گیا ہے۔

انہوں نے میڈیا کو جاری بیان میں کہا ہے کہ کوئٹہ کے ہسپتالوں میں ایمرجنسی نافذ کر دی گئی ہے۔