Want Your Business Featured Here?
Get instant exposure to our readers
Chat on WhatsApp
شہر قائد کے علاقے سپرہائی وے فقیرا گوٹھ میں شوہر نے غیرت کے نام پر بیوی اور اس کے آشنا کو فائرنگ کر کے قتل کر دیا۔
اس حوالے سے ایس ایچ او سائٹ سپر ہائی وے چوہدری نواز نے بتایا کہ فائرنگ سے ہلاک خاتون کو 23 سالہ جمیلہ اور 24 سالہ مہر علی کے نام سے شناخت کیا گیا۔
ابتدائی تفتیش کے دوران پولیس کو معلوم ہوا ہے کہ فائرنگ مقتولہ جمیلہ کے شوہر ایوب نے کی تھی جس نے اپنی بیوی کو آشنا کے ہمراہ فائرنگ کر کے قتل کیا تھا اور واردات کے بعد مقتولہ کے بھائی کو بھی واقعے سے متعلق بتایا اور دونوں بچوں کو لیکر موقع سے فرار ہوگیا۔
پولیس کو جائے وقوعہ سے 30 بور پستول کے خول ملے ہیں تاہم کرائم سین یونٹ نے موقع پر پہنچ کر شواہد حاصل کرنے کے بعد مقتولین کی لاشیں ضابطے کی کارروائی کے لیے عباسی شہید اسپتال منتقل کر دیں۔
پولیس اس حوالے سے ملزم کی گرفتاری کے لیے کوششیں کر رہی ہے ۔