Want Your Business Featured Here?
Get instant exposure to our readers
Chat on WhatsApp
پاکستان اور چین کے درمیان خلائی تحقیق کے شعبے میں تعاون ایک نئے مرحلے میں داخل ہوگیا ہے اور چین کے تعاون سے پہلے پاکستانی خلا باز کو چینی خلائی اسٹیشن کے مشن میں شامل کیا جائے گا۔
چائنا مینڈ اسپیس ایجنسی کے مطابق پہلا پاکستانی خلا باز شینژو 24 خلائی جہاز کے ذریعے چینی خلائی اسٹیشن پہنچے گا جبکہ مشن مکمل ہونے کے بعد شینژو 23 اسپیس کرافٹ کے ذریعے زمین پر واپس آئے گا۔
چینی مینڈ اسپیس ایجنسی کا کہنا تھا کہ چین کے خلائی پروگرام کی تاریخ میں یہ چینی اور پاکستانی خلا بازوں کی پہلی مشترکہ پرواز ہوگی۔
ایجنسی نے بتایا کہ فروری 2025 میں چین اور پاکستان نے چینی خلائی اسٹیشن کے مشن میں شرکت کے لیے تعاون کے معاہدے پر دستخط کیے تھے، مشن کے لیے ابتدائی، ثانوی اور حتمی مراحل کی سخت اسکریننگ اور جائزے کے بعد 2 پاکستانی خلا بازوں کا انتخاب کیا گیا تھا۔
چینی مینڈ سپیس ایجنسی نے بتایا کہ چین میں مختلف نوعیت کی تربیت مکمل کرنے اور تمام ٹیسٹ کامیابی سے پاس کرنے کے بعد منتخب 2پاکستانی خلا بازوں میں سے ایک اس مشن میں حصہ لے گا۔