Want Your Business Featured Here?
Get instant exposure to our readers
Chat on WhatsApp
پاکستانی آل راؤنڈر سلمان علی آغا نے کہا ہے کہ پاکستان ٹیم میں شامل ہونے والے نئے کھلاڑیوں نے اچھا آغاز کیا ہے اور ان کا مستقبل روشن ہے۔ ٹیسٹ کرکٹ فٹنس، صبر اور مہارت کا امتحان ہے۔
پاکستان اور سری لنکا کے درمیان دوسرا ٹیسٹ میچ کل سے راولپنڈی میں شروع ہوگا۔ دونوں ٹیموں کے درمیان پہلا ٹیسٹ بغیر کسی نتیجے کے ختم ہوگیا تھا۔
پی سی بی ڈیجیٹل سے گفتگو کرتے ہوئے سلمان علی آغا نے کہا کہ راولپنڈی کی وکٹ اچھی ہے، جہاں بلے بازوں اور بولرز دونوں کو فائدہ اٹھانے کا موقع مل سکتا ہے۔ دوسرے ٹیسٹ میں کامیابی کے لیے ٹیم کو اہم مرحلوں پر اچھی کارکردگی دکھانا ہوگی۔
Salman Ali Agha looks ahead to Pakistan’s upcoming match against Sri Lanka as the two sides prepare for the second Test in Rawalpindi.#PAKvSL | #CricketKaJashan pic.twitter.com/BZlrkITHHE
— Pakistan Cricket (@TheRealPCB) November 16, 2026
انہوں نے نوجوان فاسٹ بولر ثاقب خان کی تعریف کرتے ہوئے کہا کہ انہوں نے پہلے ٹیسٹ میں بہترین بولنگ کی۔ ہمیں ڈومیسٹک کرکٹ کے تجربے سے فائدہ اٹھاتے ہوئے مقامی کنڈیشنز کو سمجھنا ہوگا۔
واضح رہے کہ ثاقب خان نے پہلے ٹیسٹ میں عمدہ بولنگ کی تھی اور انہیں میچ کا بہترین کھلاڑی قرار دیا گیا تھا۔