Want Your Business Featured Here?
Get instant exposure to our readers
Chat on WhatsApp
فتنۃ الہندوستان کو چھوڑنے والی پنجگور کی کم عمر بلوچ خاتون کے دہشتگرد تنظیم سے متعلق ہوشربا انکشافات سامنے آگئے جبکہ ریاست سے وفاداری کا عہد بھی کر لیا۔
پنجگور کی کم عمر بلوچ خاتون نے اپنے والدین کے ہمراہ پریس کانفرنس کرتے ہوئے کہا کہ چچا کے قتل کے بعد فتنۃ الہندوستان نے واٹس ایپ کے ذریعے رابطہ کرکے بدلہ لینے پر اکسایا جبکہ مجھے تنظیم کے لیے لڑکیاں بھرتی کرنے کا ٹاسک بھی دیا۔
خاتون نے بتایا کہ تنظیم کی جانب سے فدائی بننے کی پیشکش کی گئی، تاہم میں نے فتح اسکواڈ میں شامل ہونے کی خواہش ظاہر کی۔ فتنۃ الہندوستان بلوچ خواتین اور نوجوانوں کو گمراہ کن بیانیہ کے ذریعے اپنے مقاصد کے لیے استعمال کرتی ہے۔
کم عمر بلوچ خاتون نے اپنی غلطی پر شدید شرمندگی کا اظہار کرتے ہوئے عہد کیا کہ وہ آئندہ ہمیشہ ریاست کی وفادار رہے گی۔